АҚШ Мудофаа вазирлиги қуролли кучлар тузилмасини оптималлаштириш ва операция самарадорлигини ошириш мақсадида генераллар ва адмираллар сонини 20 фоизга қисқартиришга қарор қилди. Бу ҳақда Anadolu нашри ёзган.
Вазирлик баёнотида армиянинг салоҳияти ва жанговар тайёргарлигини сақлаб қолиш учун ҳарбий қўмондонлик тузилмасини соддалаштириш зарурлиги қайд этилган.
“Ушбу чора-тадбирлар ҳарбий бошқарув тизимини янада мослашувчан ва замонавий қилишга қаратилган. Янги тизим бюрократик эмас, балки инновацияларни қўллаб-қувватлаш ва тезкор такомиллаштиришга асосланган”, – дейилади баёнотда.
Хусусан, тўрт юлдузли генераллар ва адмираллар сони камида 20 фоизга қисқартирилади. Ушбу қисқартириш Миллий гвардияда хизмат қилаётган юқори мартабали зобитларга ҳам таъсир қилади.
“Ушбу қадамлар қўйилгач, мудофаа тузилмаси ҳар қачонгидан ҳам ҳаракатчан ва самаралироқ бўлади. Ушбу чора-тадбирлар орқали биз дунёдаги энг қудратли жанговар куч бўлиб қоламиз, куч-қувват орқали тинчликни мустаҳкамлаймиз, самарадорлик, инновация ва тайёргарлигимизни оширамиз”, – дея хулоса қилди вазирлик.
Қодировнинг аҳволи жуда оғир: у ворис қидирмоқда
Франция Россия Ғалаба байрамига таклиф қилинмаганидан ғазабланди
“Зудлик билан тарк этинг!” — Украинада хавфли ҳудудлар бўйича шошилинч чақириқ
