АҚШ Молия вазирлиги "Лукойл"нинг хорижий активларини сотиш лицензияси муддатини узайтирди

АҚШ Молия вазирлиги Россиянинг "Лукойл" нефть компаниясининг хорижий активларини сотиш лицензиясини 28 февралгача узайтирди.

Бу агентликнинг Хорижий активларни назорат қилиш идораси (OFAC) томонидан эълон қилинган ҳужжатда айтилган.

Лицензия "Lukoil International GmbH" ва унинг активларини сотиш, тасарруф этиш ёки ўтказиш бўйича музокаралар билан боғлиқ битимларни амалга оширишга рухсат беради. Лицензия илгари 17 январгача амал қилган.

Октябрь ойида АҚШ Молия вазирлиги "Лукойл" ва "Роснефть" компанияларини, шунингдек, ушбу компанияларнинг 34 та шўъба корхоналарини АҚШ санкцияларининг янги пакетига киритди. 4 декабрь куни департаменти Россиядан ташқаридаги "Лукойл" объектларида товарлар ва хизматларни сотиб олиш бўйича битимларни 2026 йил 29 апрелгача амалга оширишга рухсат берди. Ушбу лицензия аввалроқ 13 декабргача узайтирилган эди.