АҚШ Миллий разведка директори лавозимидан кетишдан олдин бир қатор шов-шувли терговларни ошкор қилишни режалаштирмоқда

АҚШ Миллий разведка директори Тулси Габбард истеъфога чиқишдан олдин бир нечта шов-шувли тергов натижаларини эълон қилишни режалаштирмоқда.

Бу ҳақда The Daily Wire нашри манбаларга таяниб хабар берди.

Уларнинг маълумотларига кўра, Габбард Россиянинг 2016 ва 2020 йиллардаги АҚШ президентлик сайловларига аралашуви, шунингдек, COVID-19 пандемияси даврида АҚШда содир бўлган "аномал ҳодисалар" билан боғлиқ тергов натижаларини эълон қилишни режалаштирмоқда.

Бундан ташқари, эълон Пентагоннинг "Гавана синдроми" деб аталадиган махфий қуролларни ишлаб чиқиши билан боғлиқ материалларга тегишли.

Манбалар, шунингдек, Габбард АҚШнинг собиқ президенти Жон Ф. Кеннеди, унинг укаси Роберт Кеннеди ва фуқаролик ҳуқуқлари фаоли Мартин Лютер Кингнинг ўлдирилиши билан боғлиқ материалларни ўз ичига олган 500 000 дан ортиқ ҳукумат ҳужжатларининг махфийлигини ошкор қилишни назорат қилганини даъво қилмоқда.

Fox News нашри аввалроқ Габбард суяк саратонининг ноёб шакли ташхиси қўйилган эрини қўллаб-қувватлаш учун истеъфога чиқаётгани ҳақида хабар берган эди. АҚШ президенти Дональд Трамп 30 июнда лавозимидан кетишини тасдиқлади.