АҚШ Махфий хизмати раҳбари истеъфога чиқди

АҚШ Махфий хизмати раҳбари Кимберли Читл Доналд Трампга суиқасд уюштирилганидан кейин истеъфога чиқди.

Аввалроқ Читл сайловолди митинги чоғида Доналд Трампга суиқасд уюштиришга имкон берган хавфсизлик чораларининг етарли эмаслиги Махфий хизматнинг сўнгги ўн йилликлардаги "энг жиддий муваффақиятсизлиги" эканлигини тан олган эди.

"Биз муваффақиятсизликка учрадик. Махфий хизмат директори сифатида мен ҳар қандай хавфсизлик бузилиши учун тўлиқ жавобгарликни ўз зиммамга оламан", — дея ўз истеъфосига изоҳ берди Читл.