АҚШ Ҳарбий-ҳаво кучлари F-47 олтинчи авлод қирувчи самолёти устида иш олиб бормоқда

"Буйруғимга биноан, Қўшма Штатлар Ҳарбий-ҳаво кучлари дунёда биринчи бўлиб олтинчи авлод қирувчи самолётини яратиш устида иш олиб бормоқда. Дунё бўйича ҳеч бир самолётни ушбу қирувчи билан таққослаб бўлмайди таққосланмайди ва у F-47 деб номланади", — деди Доналд Трамп Оқ уйда чиқиш қилганида.

Президентнинг сўзларига кўра, қирувчи самолётнинг тажриба намунаси деярли беш йил давомида яширин равишда синовдан ўтказилган.
Қирувчи самолётни ишлаб чиқиш бўйича шартнома Boeing аэрокосмик корпорациясига топширилади.

Аir & Space Forces нашрининг ёзишича, бу шартнома Boeing учун катта муваффақият бўлади, чунки компания айни пайтда ортиқча харажатлар, кечикишлар ва АҚШ президентининг биринчи рақамли борти билан боғлиқ муаммолар туфайли жиддий қийинчиликларга дуч келган.

The New York Times'нинг ёзишича, янги қирувчи номидаги 47 сони Трампнинг унинг президентлик даврига ишора қилади. Доналд Трамп ҳозирда АҚШнинг 47-президенти ҳисобланади.