АҚШ президенти Дональд Трамп Ғазо сектори ёки Исроилга америкалик қўшинларни жойлаштириш ниятида эмас ва ОАВда 200 нафар аскар юборишга тайёрланаётгани ҳақидаги хабарларни рад этди.
Бу ҳақда АҚШ вице-президенти Жей Ди Вэнс ABC News телеканалига берган интервьюсида маълум қилди.
"Биз у ерга қўшин киритиш ниятимиз йўқ" - деди Вэнс.
Вэнснинг тушунтиришича, АҚШ Марказий қўмондонлигининг минтақада "ўт очишни тўхтатиш режимини кузатувчи" ва инсонпарварлик ёрдами оқимини таъминлайдиган ходимлари аллақачон мавжуд.
"Дунёнинг ўша қисмида бизда ушбу тинчлик таклифининг айрим жиҳатларини кузатадиган одамлар бор, аммо президент Исроилга қўшин киритишни режалаштирмайди", деди АҚШ вице-президенти.
Унинг қўшимча қилишича, бир қанча йирик мусулмон давлатлари, жумладан Индонезия ҳам ўт очишни тўхтатиш режимини сақлаб қолиш ва анклавда хавфсизликни таъминлаш учун Ғазо секторига қўшин киритишга тайёрлигини билдирган.
Сурхондарёда фожиа: 62 ёшли эркак воқеа жойида ҳалок бўлди
"Гаровдагилар қайтди, энди урушни давом эттириш вақти келди"
Тошкентда бўлажак куёв қизни алдаб, ҳовлисини сотиб юборгани юзасидан расмий маълумот берилди
