АҚШ Гарварднинг солиқ мақомини қайта кўриб чиқишни режалаштирмоқда

Ички даромад хизмати (IRS, АҚШнинг асосий солиқ йиғиш агентлиги) Гарвард университетининг солиқ имтиёзини бекор қилмоқчи.

Бу ҳақда CNN телекомпанияси хабар бермоқда.

Уларга кўра, Гарвард мақоми бўйича якуний қарор яқин орада қабул қилинади. Қайд этилишича, кафедра АҚШ президенти Дональд Трампнинг университетнинг академик муҳитида антисемитизмга қарши кураш бўйича қадамларини қўллаб-қувватлайди.

Аввалроқ Трамп Гарвардга сиёсий ташкилот сифатида қараш ва уни солиқдан озод мақомидан маҳрум этишни таклиф қилган эди. АҚШ Таълим департаменти Гарвард университетига 2,2 миллиард долларлик грантлар ва 60 миллион долларлик узоқ муддатли шартномаларни музлатиб қўйганини эълон қилди.

Шунингдек, Америка маъмурияти ушбу элита олий таълим муассасаси билан умумий қиймати қарийб 9 миллиард долларлик грантлар ва шартномаларни кўриб чиқиш ниятида экани маълум қилинди.