АҚШ Эрон терма жамоасига виза беришдан бош тортди

Эрон поло терма жамоаси 2025 йилги жаҳон чемпионати финал босқичида АҚШ уларга виза бермагани учун иштирок эта олмади.

Бу ҳақда Ислом Республикаси Поло федерацияси раҳбари Муҳаммад Назерий маълум қилди.

"Афсуски, миллий терма жамоада визалар йўқлиги сабабли, АҚШда бўлиб ўтадиган жаҳон чемпионатига терма жамоани юборишнинг иложи бўлмаяпти", — деди у.

2025 йилги поло бўйича жаҳон чемпионати Виржиния штатида бўлиб ўтади. Мезбон давлат АҚШдан ташқари Франция, Аргентина, Жанубий Америка, Марказий Осиё ва Африка термалари ҳам иштирок этади.