АҚШ Эрон билан ҳамкорлик қилаётган авиакомпанияларга нисбатан санкция қўлламоқчи

АҚШ Молия вазири Скотт Бессент АҚШ маъмурияти Эрон авиакомпаниялари билан ҳамкорлик қилувчи компанияларга санкциялар қўллаши мумкинлигини айтди.

Бу ҳақда The Wall Street Journal (WSJ) нашри хабар берди.

"Санкцияга учраган Эрон авиакомпаниялари билан бизнес юритиш АҚШ санкцияларига дучор бўлиш хавфини туғдиради. Хорижий ҳукуматлар ўз юрисдикциясидаги компаниялар ушбу самолётларга хизмат кўрсатмаслигини таъминлаш учун барча зарур чораларни кўришлари керак, жумладан, авиация ёқилғиси, озиқ-овқат, қўниш тўловлари ва хизмат кўрсатиш", деди Бессент.