АҚШ Молия вазирлиги Эрон маҳсулотларини халқаро бозорларга етказиб беришга кўмаклашганликда гумонлаб, Греция ва Панамада офисларига эга бўлган «Karnakis and Karnakis» юридик фирмасига нисбатан санкциялар жорий этди.
АҚШ расмийларининг таъкидлашича, ушбу компания Эрон маҳсулотлари экспортига ноқонуний равишда кўмаклашиб, Теҳронга қурол-яроғ ишлаб чиқиш ва ядровий дастурини ривожлантириш учун маблағ олиш имконини берган.
АҚШ Молия вазирлигига таяниб Report хабар беришича, юридик фирмадан ташқари, унинг фаолиятига алоқадор бўлган беш нафар жисмоний шахс ҳам санкциялар рўйхатига киритилган.
Чекловларнинг жорий этилиши фигурантларнинг АҚШ ҳудудидаги активларини музлатишни ҳамда АҚШ фуқаролари ва компанияларига улар билан молиявий операциялар ўтказишни тақиқлашни назарда тутади.
Шу билан бирга, АҚШ Молия вазирлигининг Хорижий активларни назорат қилиш бошқармаси (OFAC) бош лисензия эълон қилди. Унга кўра, «Karnakis and Karnakis» иштирокида аввал бошланган битимларни якунлаш учун зарур бўлган операцияларни амалга оширишга рухсат берилган.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Шоҳжаҳон Эргашевнинг Тошкентдаги жанги жанжал билан ниҳоясига етди
40 млн одам Жанубий Осиёдан кўчишга мажбур бўлиши мумкин
