Депортация қилинган ҳиндистонлик муҳожирларни олиб кетаётган АҚШнинг учинчи ҳарбий C-17 транспорт самолёти Ҳиндистон шимолидаги Панжоб штатига етиб келди.
Ҳарбий ҳаво кучлари АҚШда ноқонуний яшаётган 112 нафар ҳиндистонликни ватанига қайтарди.
Улар орасида Ҳиндистоннинг Гужарат, Панжоб, Уттараханд, Уттар-Прадеш, Ҳаряна ва Ҳимачал-Прадеш штатлари аҳолиси ҳам бор.
Феврал ойи бошидан буён АҚШ ҳарбий-ҳаво кучларининг C-17 самолётлари орқали жами 335 нафар ҳиндистонлик республикага депортация қилинган. Жанубий Осиё мамлакати ташқи ишлар вазирининг биринчи ўринбосари Викрам Мисрининг 7 феврал куни хабар беришича, АҚШ ҳукумати яқин орада 500 га яқин ҳиндистонликни ўз ватанларига депортация қилади.
Ҳиндистон раҳбарияти Ню-Деҳли чиқариб юборилган барча ноқонуний муҳожирларни қабул қилишини ва Вашингтон билан ҳамкорлик қилишини таъкидламоқда.
АҚШ депортация қилиниши мумкин бўлган 18 000 ҳиндистонликларни аниқлади.
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
Ҳабиб ЕЧЛда ким ғолиб бўлишини истаётганини айтди
