Баъзи католиклар АҚШ президенти Доналд Трампни ўзининг Truth Social ижтимоий тармоғида Оқ уй раҳбарини Рим папаси қиёфасида акс эттирган пости учун танқид қилди.
Бу ҳақда BBC хабар бермоқда.
Куни кеча Трамп сунъий интеллект ёрдамида яратилган суратни эълон қилди. Бу пост Оқ уйнинг Х ва бошқа ижтимоий тармоқлардаги расмий ҳисобларида ҳам жойлаштирилди. Суратда Трамп оқ сутана ва митрда, катта хоч билан ва кўрсаткич бармоғини кўтарган ҳолда тасвирланган. Ўнг қўлининг номсиз бармоғида "балиқчи узуги" кўриниб турибди - бу папа ҳокимиятининг ўзига хос белгиси бўлиб, у собиқ балиқчи бўлган ҳаворий Пётрдан ворисликни англатади.
Пост бутун дунё бўйлаб католиклар вафот этган Папа Франсиск учун аза тутаётган ва кейинги Рим папасини сайлашга тайёргарлик кўраётган пайтда жойлаштирилган.
Бундан олдин Трамп бу мавзуда ҳазиллашиб, журналистларга "ўзи ҳам Рим папаси бўлишни хоҳлашини" айтган эди.
Трампнинг эълонига Ню-Ёрк штатидаги епископларни ўз ичига олган Ню-Ёрк Католик конференцияси муносабат билдирди. "Бу суратда кулгили ҳеч нарса йўқ, жаноб президент, - дейилади ташкилот баёнотида. - Биз ҳозиргина севимли Папа Франсискни дафн этдик ва кардиналлар тез орада Авлиё Пётрнинг янги ворисини сайлаш учун тантанали конклав бошлайдилар. Бизни масхара қилманг."
Ўзбекистон Россия элчисини чақиртирди
Франция Россия Ғалаба байрамига таклиф қилинмаганидан ғазабланди
"Украиналиклар руслар босиб олган ҳудудларни де-факто беришга тайёр"
