Киев Қўшма Штатлар билан имзолашга тайёрланаётган ер ости бойликлари тўғрисидаги битим Украинанинг ЕИга интеграциялашув жараёнларига зид келмаслиги керак.
Бу ҳақда Украина ташқи ишлар вазирлиги раҳбари Андрей Сибига маълум қилди.
"Биз музокараларни бошлаган келишув Европа Иттифоқига интеграциялашув йўлимизга ҳеч қандай тарзда зид бўла олмайди. Ва бу ҳам бизнинг фундаментал позицияларимиздан биридир", - деди Украина ТИВ раҳбари матбуот анжуманида.
Эслатиб ўтамиз, 28 март куни Еврокомиссия вакили Паула Пиньо ЕК Киевни АҚШ билан тузилган ресурс келишуви ҳамжамиятга қўшилиш жараёни доирасида Украинанинг ЕИ олдидаги мажбуриятларини бажариш нуқтаи назаридан таҳлил қилиниши кераклиги ҳақида хабардор қилганини маълум қилган эди.
Унинг сўзларига кўра, Еврокомиссия АҚШ билан битим тузиш оқибатлари бўйича “Киевга маслаҳат беришга очиқ”.
Европа Иттифоқи Украинадан Европа саноати учун муҳим бўлган қатор ресурсларни олишни кутмоқда. Хусусан, Брюссел Украинадан етказиб бериш орқали Европанинг графитга бўлган талабининг 10 фоизини қоплашга умид қилмоқда. Бундан ташқари, Европа Комиссияси Украинадан у ерда қазиб олиниши мумкин бўлган барча литюмни олиш ниятида, чунки у "Европа аккумулятор саноати учун муҳим аҳамиятга эга".
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
