АҚШ Беларус калийига нисбатан санкцияларни бекор қилади

Бу ҳақда “Зеркало” нашри АҚШ президентининг махсус вакили Жон Коулнинг баёнотига таяниб хабар бермоқда.

"Президент Трампнинг кўрсатмаларига мувофиқ, АҚШ Беларус калийига нисбатан санкцияларни олиб ташламоқда. Бу Вашингтон томонидан Минск учун жуда яхши қадам, деб ҳисоблайман", — деди Трампнинг Беларус бўйича махсус вакили Жон Коул.

Коулнинг сўзларига кўра, икки мамлакат ўртасидаги муносабатлар нормаллашиб боргани сари тобора кўпроқ санкциялар бекор қилинади ва келажакда ҳеч қандай чекловлар бўлмаслигига умид бoр.

Санкциялар бекор қилингани Коулнинг Беларус президенти Лукашенко билан бўлиб ўтган икки кунлик музокаралари якунида эълон қилинган. Музокаралар Минскда ёпиқ фирматда бўлиб ўтди.