АҚШ Аргентинага визасиз келишувни тўхтатди

АҚШ Ички хавфсизлик вазирлиги Аргентина билан визасиз келишув имзолаш жараёнини тўхтатди.

Бу ҳақда Axios портали манбаларга таяниб хабар бермоқда.

Уларнинг маълумотларига кўра, АҚШ Ички хавфсизлик вазирлиги қарори ҳужжатни имзолаш учун Вашингтонга йўл олган Аргентина делегациясини ҳайратда қолдирди. Департаментнинг таъкидлашича, ҳозирда керакли имзолардан бири йўқлиги ва мамлакат президенти Хавер Мейли билан боғлиқ коррупция можароси туфайли келишув тузиш мумкин эмас. Бу АҚШ расмийларини хавотирга солмоқда, бироқ Вашингтон илгари Буэнос-Айрес билан ўз хавотирларини баҳам кўрмаган.

Қайд этилишича, июль ойида АҚШ Ички хавфсизлик вазирлиги раҳбари Кристи Ноэм ўз қарорини АҚШ Давлат котиби Марко Рубио билан мувофиқлаштирмасдан Аргентина билан ният хатини имзолаган. Манбаларга кўра, келишув доирасида Буэнос-Айрес Хитой компьютер тизимлари ва дастурий таъминотини Американикига алмаштириш мажбуриятини олган, бироқ Давлат департаменти коррупция масаласини муҳокама қилишни талаб қилган.

Ички ишлар вазирлиги вакили порталга вазирлик ишидаги номувофиқлик ёки имзо етишмаётгани юзасидан изоҳ беришдан бош тортди, бироқ департамент Аргентина билан ҳамкорликни давом эттириш ниятидан қайтмаслигини таъкидлади.