АҚШ Адлия вазирлиги 23 май куни Оқ уй яқинида содир бўлган отишмани президент Дональд Трампга қарши суиқасд уриниши сифатида баҳолади.
Колумбия округи федерал судига тақдим этилган ҳужжатда бу ҳодиса “бир ой ичида президентга қарши иккинчи суиқасд уриниши” деб қайд этилган.
Расмий маълумотларга кўра, 23 май оқшомида Оқ уй яқинида қуролланган шахс ўқ узган. Махфий хизмат ходимлари жавоб тариқасида ўт очиб, уни зарарсизлантирган. Кейинчалик эркак касалхонада вафот этган. Ҳодиса вақтида бир нафар гувоҳ ҳам яраланган.
ОАВ хабарларига кўра, ҳужумчи Оқ уйдан тахминан 150 метр узоқликда бўлган ва руҳий саломатлик билан боғлиқ муаммолардан азият чеккан.
Адлия вазирлиги ушбу воқеани Оқ уй ҳудудида янги зиёфат залини қуриш зарурлигини асослаш учун судга тақдим этилган петицияда тилга олди. Ҳужжатда янги мажмуа президент, унинг оиласи ва меҳмонларини ҳимоя қилиш учун замонавий хавфсизлик тизимлари билан жиҳозланиши кераклиги таъкидланган.
Мактабларда «Сўнгги қўнғироқ» тадбирлари қачон ўтказилиши маълум бўлди
Эрон 57 та мусулмон давлатидан иборат “Ислом NATOси” ни тузишга чақирди
Президентнинг янги қарори қабул қилинди
