АПЛ ва Coca-Cola ҳамкорликни эълон қилди

Англия Премьер-лигаси ва машҳур Coca-Cola компанияси уч йиллик ҳамкорликни эълон қилди. Шартнома 2025/2026 йилги мавсумдан кучга киради.

Қайд этилишича, Буюк Британия ва Ирландияда энди компания ичимлиги шишасида Премьер-лига эмблемасини кўриш мумкин бўлади.

"Биз Coca-Cola'ни алькоголсиз ичимликлар ишлаб чиқариш бўйича Премьер-лиганинг расмий ҳамкори сифатида яна бир бор қутлашдан мамнунмиз. Бу ичимликларни бутун дунё бўйлаб миллионлаб одамлар истеъмол қилади," - деди АПЛ тижорий директори Уилл Брасс.