АПЛнинг янги мавсуми "Манчестер Сити" учун драматик ғалаба билан бошланди. "Шаҳарликлар" 1-турда "Борнмут"ни қабул қилиб, ўйин охиридаги камбэк эвазига 2:1 ҳисобида устун келди.
Меҳмонлар биринчи бўлимдаёқ Пеп Гвардиола жамоасини қийин аҳволга солиб қўйди. 26-дақиқада Маркус Таверние вазиятдан фойдаланиб, "Борнмут"ни олдинга олиб чиқди. Шундан кейин "Сити" ташаббусни қўлга олган бўлса-да, узоқ вақт рақиб ҳимоясини ёриб ўта олмади.
Учрашувнинг асосий воқеалари сўнгги дақиқаларга тўғри келди. "Борнмут" ҳимоясидаги хатодан унумли фойдаланган Марк Геҳи бош билан зарба бериб, мувозанатни тиклади — 1:1.
Бу гол билан чекланиб қолмаган манчестерликлар қўшиб берилган вақтда ғалабани ҳам илиб кетди. Ёшко Гвардиолнинг голи "Сити"га мавсумдаги дастлабки уч очкони тақдим этди — 2:1.
Ўзбекистон миллий жамоаси аъзоси Абдуқодир Ҳусанов ҳам янги мавсумни асосий таркибда бошлади. Ҳимоячи учрашувни тўлиқ ўтказиб, "Манчестер Сити"нинг иродали ғалабасига ҳисса қўшди.
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
Бразилиялик афсонавий футболчи Роберто Карлос мусулмон бўлгани ҳақидаги миш-мишларга муносабат билдирди
"100 миллион доллар эвазига ҳатто ўз отамнинг ҳам юзига ураман"
