Кучли ёғингарчилик Рейн дарёсининг сув сатҳини тарихан паст даражадан кейин кўтарди

Германиянинг жанубида кучли ёғингарчилик Рейн дарёсининг сув сатҳини тарихан паст даражадан кейин кўтарди ва бу иқтисодий таъсир ҳақида хавотирларни кучайтирди.

Бу ҳақда DPA агентилиги хабар бермоқда.

Германия сув йўллари ва юк ташиш бошқармаси маълумотларига кўра, дарёнинг сув сатҳи ҳали ҳам ўртача даражадан анча паст ва тўлиқ юкланган кемаларнинг ҳаракатланишига тўсқинлик қилмоқда.

Бироқ, кўплаб жойларда паромлар фаолиятини қайта тикламоқда.

Германиянинг энг йирик ички порти Дуйсбург операторининг сўзларига кўра, юк кемалари ҳали ҳам ишламоқда, сув сатҳининг пастлиги сабабли нормал сиғимининг атиги 20% ни ташийди.

Порт гуруҳининг ички сув транспорти вакили Йоахим Гольштайн вазиятнинг "сентябр охири ёки октябрь ойининг бошигача" ҳақиқий яхшиланиши кутилмаслигини таъкидлади.

Рейн дарёсида юк ташиш учун айниқса муҳим нуқта бўлган Рейнланд-Пфалцдаги Каубда жума куни сув сатҳи 46 сантиметрни ташкил этди, бу ҳали ҳам мутахассислар юк ташиш учун мезон деб ҳисоблайдиган 77 сантиметрлик эквивалент сув сатҳидан анча паст.

Дуйсбургда жума куни тушдан кейин Рейн дарёси сатҳи 1,49 метрни ташкил этди - бу 2018 йилда ўрнатилган аввалги рекорд даражадаги 1,53 метрдан ҳам паст.

Мамлакат бўйлаб бир қатор иссиқлик тўлқинлари ва дарёлар сатҳининг пастлиги юк ташишда чекловларга олиб келди. Германия Бундесбанки огоҳлантиришича, юк ташишдаги кечикишлар, транспорт харажатларининг ошиши ва ишлаб чиқаришдаги муаммолар иқтисодий тикланишга тўсқинлик қилиши мумкин.