Эрон Олий Миллий Хавфсизлик Кенгаши котиби Али Ларижоний АҚШ ва Исроил ҳужуми бошланганидан бери ҳеч бир мусулмон давлати Эронга ёрдам бермаганини айтди.
Унинг сўзларига кўра, Ислом дунёси минтақавий хавфсизликни таъминлаш ва ташқи таҳдидларга қарши туриш учун бирлашиши керак.
Олти банддан иборат мактубда Али Ларижоний Эрон қаршилик кўрсатишда давом этаётганини, мамлакат халқини қўллаб-қувватламаган мусулмон ҳукуматларининг хатти-ҳаракатлари эса исломнинг моҳиятига зид эканлигини таъкидлади.
«Баъзи давлатлар бундан ҳам узоқроққа бориб, шундай даъво қилишди: Эрон Америка базаларига ва АҚШ ва Исроил манфаатларига зарба бераётгани сабабли, у бизнинг душманимиз! Мамлакатларингиздаги Америка базалари Эронга қарши зарбалар бераётган бир пайтда биз қўл қовуштириб ўтиришимиз керакми?!
Улар баҳона изламоқдалар; бугун бу жангда АҚШ ва Исроил бир томонда, мусулмон Эрон ва қаршилик кучлари эса бошқа томонда. Сиз қайси томондасиз?», деди Али Ларижоний.
У ислом дунёсининг келажагини кўриб чиқишга чақирди ва таъкидлади: «АҚШ ҳеч қачон сизга содиқ бўлмайди ва Исроил сизнинг душманингиздир».
28 феврал куни эрталаб Қўшма Штатлар ва Исроил Эронга қарши ҳарбий операция бошлади. Ҳужумлар натижасида Эроннинг олий раҳбари Али Хоманаий ҳалок бўлди. Бунга жавобан Эрон Форс кўрфазидаги Америка нишонларига, жумладан, БАА ва Қатарга зарба беришни бошлади.
БМТда уят ва бемаънилик театри
Эрон Исроилга ўта оғир баллистик ракеталар билан кучли ҳужум уюштирди
Трамп дунё давлатларидан ёрдам сўради
