Англиялик 11 ёшли шахматчи қиз 38 йиллик рекордни янгилади

Бодҳана Сиванандан Черногориядаги Европа клублар кубогида 7 имкониятдан 5,5 очко жамғариб, тарихдаги энг ёш аёл халқаро спорт устасига (IМ) айланган.

11 ёшу 7 ойлигида ушбу натижага эришган спортчи афсонавий Юдит Полгарнинг 1988 йилдан буён сақланиб келаётган рекордини ортда қолдирган.

Шу тариқа, у мазкур унвон талабларини энг эрта бажарган шахматчиларнинг умумий рўйхатида 7-ўринни эгаллаган.

Ундан олдинги — 6-ўриндан эса 2017 йилда (11 ёшу 6 ойлигида) худди шу натижани қайд этган ўзбекистонлик Жавоҳир Синдаров жой олган.

Маълумот учун, Сиванандан сентябрь ойида Самарқандда ўтган Шахмат олимпиадасида энг ёш аёл гроссмейстер (WGM) унвони талабларини ҳам бажарган эди.