Андижонда "ЗИЛ" ёниб кетди

Андижон вилояти ЙҲХ хизмати ижтимоий тармоқларда тарқалган видео юзасидан расмий маълумот берди.

2025 йил 19 март куни соат 22:00лар атрофида, Асака тумани “Навоий” МФЙ ҳудудидан ўтган А-373 халқаро аҳамиятга эга автомобиль йўлида, 1994 йилда туғилган ҳайдовчи У.Ш. ўзининг бошқарувида бўлган “Зил-130” русумли юк транспорт воситасини “А-373 Тошкент-Ўш йўлининг Шахрихон” йўналиши бўйлаб бошқариб кетаётган вақтида, транспорт воситасининг электр симларидан чиққан қисқа туташуви натижасида транспорт воситасида ёнғин келиб чиққан.

Ушбу ёнғин ФВБ Олтинкўл туман бўлими ходимлари томонидан бартараф этилган. Ходиса натижасида жабрланган шахслар мавжуд эмас.

Мазкур ҳолат юзасидан ҳозирда терговга қадар текширув ҳаракатлари Асака тумани ФВБ томонидан олиб борилмоқда

"Барча ҳайдовчилардан транспорт воситасини бошқаришдан аввал унинг теҳник созлигига ишонч ҳосил қилгандан сўнг йўлга чиқишларини сўраймиз!" - дейилади Андижон вилояти ЙҲХ баёнотида.