Сиднейдаги террорчининг қўлидан автоматни тортиб олган эркакнинг исми Аҳмад ал-Аҳмад бўлиб, у маҳаллий дўкон эгаси ҳисобланади.
Бу ҳақда Ynet портали Австралия полициясидаги манбаларига таяниб хабар берди.
Ижтимоий тармоқларда тарқалган видеога кўра, отишма ижрочиларидан бири ўткинчи фуқаро томонидан қуролсизлантирилган. Видеода машиналар орасида яшириниб турган оддий фуқаролардан бири милтиқли одамга орқадан сездирмасдан яқинлашгани ва уни бўғиб, қуролини тортиб олганини кўриш мумкин.
Бироқ шундан сўнг террорчи кўприк томонга қочиб, бошқа қуролдан яна ўқ узишни давом эттирган.
Австралиянинг Channel 7 телеканали Аҳмаднинг қариндошларидан интервю олган. Уларнинг айтишича, кураш чоғида Аҳмад ўқдан жароҳат олган ва ҳозирда шифохонага ётқизилган.
Австралиянинг Сидней шаҳридаги пляжда юз берган отишма оқибатида 12 киши, жумладан, ҳужумчилардан бири ҳалок бўлди. Шунингдек, 29 киши жароҳатланди, улардан икки нафари полициячи. Ҳужумни уюштирган шахслардан бири эса полиция томонида қўлга олинди.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
