Бугун 25 февраль, 2024 йил, якшанба

O'ZB

Андижонда кўп қаватли уйда ёнғин содир бўлди

Андижонда кўп қаватли уйда ёнғин содир бўлди

Андижон вилояти Марҳамат туманида кўп қаватли уйда ёнғин содир бўлган Бу ҳақда Фақулодда вазиятлар вазирлиги хабар бермоқда.

Маълум қилинишича, бугун 2024 йил 11 феврал куни соат 14:00 да ФВБга Марҳамат тумани “Ўзбекистон” МФЙда жойлашган кўп хонадонли икки қаватли уйда ёнғин содир бўлгани ҳақида хабар келиб тушган.

Ҳодиса жойига 7 та ёнғин-қутқарув бўлинмаси соат 14:06 да етиб бориб, соат 14:44 да ёнғин ўчирилган.

“Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмади. Ёнғин сабаби ва моддий зарар миқдори аниқланмоқда”, дейилади хабарда.

ФВВ хабарида кўп қаватли уй томининг қанча қисми ёниб кетгани ҳақида айтилмабди. Ижтимоий тармоқларда тарқалаётган видеоларда кўп хонадонли икки қаватли уйнинг том қисми бошдан охиригача ёнаётганини кўриш мумкин.

Эслатиб ўтамиз, сўнгги икки йилда Андижон вилоятида кўп қаватли уйларда ёнғин чиқиши билан боғлиқ бир нечта ҳодиса содир бўлди. Уларда кўплаб одамлар жабрланди, айримлар вафот этди.

Киритилди: 20:18 11.02.2024. Ўқилди: 969 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!