Ижтимоий тармоқларда Андижон вилояти Булоқбоши тумани Ширмонбулоқ қишлоғи ҳудудида Жанубий Фарғона канали сувида кўпиклар пайдо бўлгани юзасидан мурожаат тарқалди.
Мазкур мурожаат юзасидан тегишли тартибда Андижон вилояти Экология, атроф-муҳитни муҳофаза қилиш ва иқлим ўзгариши бошқармаси, вилоят ҳокимлиги ҳамда мутасадди ташкилотлар билан ўрганиш ишлари олиб борилди.
Ўрганиш давомида 26 июль куни соат 9:00 лар атрофида сув юзасида кўпиклар пайдо бўлгани аниқланган. Ҳолат юзасидан тезкорлик билан сувдан намуналар олиниб, таҳлилдан ўтказилди. Натижаларга кўра, Хўжабод тумани "Солпи" МФЙ ҳудудида жойлашган “Н. Г.” МЧЖ томонидан матоларга ранг бериш цехидан чиқаётган оқова сув, тозалаш иншооти тўлиқ ишламаганлиги сабабли, қисман тозаланмасдан Жанубий Фарғона каналига ташланаётгани аниқланди.
Табиатга етказилган зарарни аниқлаш учун сув намуналари таҳлил қилинди. Тўпланган ҳужжатлар кўриб чиқиш ва тегишли чора кўриш учун суд органларига тақдим этилади.
Мактабларда 1 сентябрдан смартфондан фойдаланиш тақиқланади
АҚШ Конгрессига номзод Валентина Гомес Қуръонни ёқиб юборди
Кападзе: "Агар терма жамоамизни Бенту бошқарадиган бўлса, хайрли бўлсин дейман"
