Андижонда чиқиндиларни ёқиб юбораётган фуқароларга қарши кескин рейд бошланди

Бугун Андижон тумани Экология, атроф-муҳитни муҳофаза қилиш ва иқлим ўзгариши бўлими ходимлари томонидан катта йўл бўйида барг ва чиқиндиларни ёқиб юбораётган фуқаро аниқланиб, унга нисбатан белгиланган тартибда маъмурий жавобгарлик чораси қўлланилди.

Аҳоли томонидан барг, шох-шабба ёки бошқа чиқиндиларни очиқ жойда ёқиш нафақат экологияга, балки инсон саломатлигига ҳам жиддий зарар етказишини алоҳида таъкидлаш лозим. Бундай ҳолат ҳавонинг ифлосланишига, зарарли моддалар тарқалишига, шунингдек, ёнғин хавфи ортишига сабаб бўлади.

Туман ҳокимлиги барча фуқароларни мавжуд қоидаларга қатъий риоя этишга, чиқиндиларни тўғри тартибда ташлашга ва атроф-муҳитни муҳофаза қилиш борасида масъулиятли бўлишга чақиради. Қонунбузарлик аниқланган тақдирда эса жарима ва бошқа чораларнинг қўлланиши муқаррарлиги эслатиб ўтилади.