Андижон шаҳрида 1,3 млрд сўмлик табиий газдан ноқонуний фойдаланиш ҳолати аниқланди

Ўзенергоинспекция Андижон вилоят ҳудудий бошқармаси, ҳуқуқни муҳофаза қилувчи органлар ва газ таъминоти корхонаси ҳамкорлигида ўтказилган назорат тадбирида Андижон шаҳрида "Б.О.М." МЧЖга қарашли миллий ҳаммом ва саунада табиий газдан ноқонуний фойдаланиш ҳолати аниқланди.

Ушбу қоидабузарлик натижасида, газ таъминоти корхонасининг дастлабки ҳисоб-китобларига кўра, 1,3 миллиард сўмлик зарар етказилганлиги маълум бўлди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.