Россиянинг Амур вилоятида Ан-24 самолёти ҳалокати оқибатида вафот этганларни ёд этиш мақсадида уч кунлик мотам эълон қилинди.
Report нашри маълумотича, бу ҳақда вилоят губернатори Василий Орлов расман маълум қилди.
Мотам 25, 26 ва 27 июль кунлари давом этади. Шу кунларда вилоят ҳудудидаги барча биноларда давлат байроқлари туширилади.
«Бу даҳшатли фалокат 48 инсоннинг ҳаётига зомин бўлди. Яна бир бор марҳумларнинг яқинлари ва оила аъзоларига чуқур ҳамдардлик изҳор этаман. Бутун вилоят сизнинг дардиингизни бирга ҳис қилмоқда», — деди Орлов.
ОАВ хабарига кўра, ҳалокатга учраган рейсда бўлиши керак бўлган бир аёл набирасининг ҳолати ёмонлашгани сабаб уйда қолишга қарор қилган. Бу тасодиф унинг ҳаётини сақлаб қолган.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Султон Али Раҳматов оламдан ўтди
