Америкалик спортчи ёпиқ иншоотларда 3000 метрга югуриш бўйича жаҳон рекордини ўрнатди

Америкалик енгил атлетикачи Грант Фишер АҚШдаги турнирда ёпиқ иншоотларда 3000 метрга югуришда жаҳон рекордини ўрнатди.

Фишер масофани 7 дақиқа 22,91 сонияда босиб ўтди. У 7 дақиқа 23,81 сонияни ташкил этган ва 2023 йилнинг февралидан бери эфиопиялик Ламеча Гирмага тегишли бўлган жаҳон рекордини ортда қолдирди.

Яқинда ўтказилган мусобақада иккинчи ўринни америкалик Коул Хокер эгаллади, у ҳам аввалги жаҳон рекордидан юқори натижа кўрсатди - 7 дақиқа 23,14 сония.

Шунингдек, АҚШдаги мусобақадан сўнг миля югуриш бўйича рекорд янгиланди (1609 метр). Жаҳон рекордини 3 дақиқа 46,63 сонияда маррага етган америкалик Яред Нугусе қўлга киритди. Унинг ҳамюрти Хоббс Кесслер иккинчи бўлди (3:46,90). Аввалги жаҳон рекордини эфиопиялик Ёмиф Кежелча 2019-йилнинг март ойида ўрнатган эди – 3 дақиқа 47,01 сония.