АҚШ ва Хитой ўртасидаги савдо уруши кучайиши фонида Америка автомобиль ишлаб чиқарувчиси Ford Хитойга бир қатор автомобиль моделларини етказиб беришни тўхтатгани ҳақида The Wall Street Journal манбаларига таяниб хабар бермоқда.
Нашр маълумотларига кўра, Ford F-150 Raptor пикапларини, Mustang спорт купесини, Bronco йўл танламас машиналарини, шунингдек, Lincoln брендининг Navigator йўл танламас машиналарини экспорт қилишни тўхтатган.
Ушбу моделлар учун Хитой божхона тарифларини 150 фоизгача оширди, бунда F-150 флагман версиясининг нархи тахминан 100 минг долларга етади. 2024 йилда Ford Хитойга ушбу моделлардан 5,5 мингга яқин автомобиль етказиб берган.
