Озарбайжон президенти Илҳом Алиев Euronews телеканалига берган интервюсида глобал барқарорлик яқин келажакда қийин бўлиб қолиши ҳақида айтди. Унинг сўзларига кўра, йирик можароларни ҳал этиш истиқболларига реал нуқтаи назардан қараш керак.
Глобал Боку форумида сўзга чиққан Алиев, дунё янги қоидалар ва халқаро ўзаро муносабатларни шакллантириш босқичига кирганини таъкидлади.
“Эски дунё тартиби энди мавжуд эмас. Янгиси қандай бўлиши ҳозирча номаълум. Турли фикрлар бор, бироқ давлатлар ўз имкониятларига эътибор қаратишлари, ташқи ёрдам ёки халқаро ҳуқуққа таянмасликлари аниқ”, — деди Озарбайжон президенти.
Россия-Украина уруши ҳақида гапирар экан, Алиев унинг яқин орада тугашига шубҳа билдирди: "Урушлар тўхтаган тақдирда ҳам у яна алангаланмаслигига кафолат йўқ".
Арманистон билан алоқаларга тўхталган Алиев, сўнгги 5 йил ичида минтақадаги вазият барқарорлашганини таъкидлади. Бироқ, унинг фикрича, тинчлик фақат расмий келишув мавжуд бўлганда мумкин: "Барқарорлик фақат тинчлик шартномаси имзолангандагина таъминланади".
"Кўринмас" рус дронлари Украина артиллериясини мазах қилмоқда
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
Иккиланмай зарба берамиз: АҚШ Россияга очиқ таҳдид қилди!
