Хабарларга кўра, мамлакат пойтахти Тиранада июн ойи бошидан буён оммавий норозилик намойишлари деярли ҳар куни бўлиб ўтяпти ва вақти-вақти билан полиция билан тўқнашувларга айланиб кетмоқда.
АҚШ президентининг тўнғич қизи Иванка Трампнинг турмуш ўртоғи Жаред Кушнер иштирокида Албания қирғоқларидаги оролни ҳамда мамлакат жанубидаги қўриқланадиган табиий ҳудуд яқинидаги ер майдонини қуриш лойиҳаси халқ ғазабига сабаб бўлди.
Экологлар ушбу қурилиш фламинголар, тюленлар ва денгиз тошбақалари яшайдиган ноёб табиий масканларга зарар етказиши мумкинлигидан огоҳлантиришяпти. Намойишлар бўлажак курорт ҳудудига қурилиш техникалари кириб келганидан кейин бошланди. Намойишчилар, шунингдек, ушбу лойиҳани қўллаб-қувватлаётган Албания бош вазири Эди Рамани истеъфога чиқишга чақирмоқда.
"Биз табиатга бўлаётган бундай аралашувга қарши норозилик билдирмоқдамиз. Машиналарни тўхтатиш керак. Табиатни ўз ҳолига қўйишсин. Улар ўн-ўн беш йил ичида 10 000 хоналик меҳмонхона қуришни ва табиат қўйнида бутунлай янги шаҳар барпо этишни хоҳлашмоқда", – дейди маҳаллий экологик фаоллардан бири.
2026 йил ёзда Марказий Осиё мамлакатларида аномал даражада кучли ёғингарчиликлар кузатилиши мумкин
Россия Молия вазирлиги ва Марказий банк Путинни огоҳлантирди
«Жуманжи» актёри ваҳшийларча ўлдирилди
