Албанияда парламент аъзолари атай ёнғин чиқарди

2024 йилги бюджет режаси бўйича овоз бериш чоғида Албанияда мухолиф парламент аъзоси жараённи тўхтатиш учун хонани тутун билан тўлдириб, кичик ёнғин ҳам чиқарди.

Воқеа Албания парламенти спикери Линдита Никола йиғилиш кун тартибини эълон қилишни бошлаганда юз берган. Мухолифат депутатлари иш ҳақини ошириш мавзуси эътибордан четда қолганига қаршилик билдирганлиги айтилмоқда.

Парламент спикерининг уларни тинчлантиришга қилган уриниши зое кетганидан сўнг, бюджет лойиҳаси муҳокамасиз қабул қилинди, деб ёзади оммавий ахборот воситалари.