Ғарбий Соҳил шимоли-шарқидаги Тубас шаҳрида Фаластин қаршилик жангчилари Исроил мудофаа кучлари билан тўқнашди. Бу ҳақда Қатарнинг Ал Жазеэра телеканали хабар берди .
Унга кўра, маҳаллий қаршилик кучлари қўлбола портловчи қурилмалар ёрдамида шаҳарга бостириб кирган Исроил қўшинларини қайтармоқда.
2023 йил 7-октабр куни Ғазо секторидан Исроил ҳудудига Фаластиннинг «Хамас» радикал ҳаракати жангариларининг кириб келиши , чегарадаги аҳоли пунктлари аҳолисининг ўлдирилиши ва асирларнинг гаровга олиниши билан бирга Яқин Шарқдаги вазият кескин ёмонлашди. Бунга жавобан Исроил Ғазони тўлиқ блокадага олганини эълон қилди ва Ливан ва Суриянинг бир қисми ва айрим ҳудудларига зарбалар беришни бошлади, шундан сўнг анклавда қуруқликдан операция бошлади. Тўқнашувлар Ғарбий Соҳилда ҳам содир бўлмоқда.