Актаудаги авиаҳалокат сабаблари бўйича дастлабки ҳисобот январь ойи охирида эълон қилинади

Актауда (Қозоғистон) авиаҳалокат сабаблари бўйича дастлабки ҳисобот 2025 йил январь ойи охирида эълон қилинади.

Транспорт ва коммуникациялар вазирлиги матбуот хизмати хабар беришича, Қозоғистон Республикаси қонунчилиги талаблари ва ИКАО 13-иловаси талабларига мувофиқ ҳисобот самолёт ҳалокати содир бўлган кундан бошлаб 30 кун ичида эълон қилинади.

Шунингдек, бошқарма барча ваколатли халқаро экспертлар иштирокида автоҳалокат юзасидан тергов ишлари давом этаётгани ҳақида хабар берди. Таъкидланишича, ҳар куни экспертлар гуруҳи ишлайди.

Шу билан бирга, 13-иловага мувофиқ, Комиссия текширувни 12 ой муддатда якунлашни режалаштирмоқда, дея хабар берди бошқарма.

Эслатиб ўтамиз, 25 декабрь куни Қозоғистоннинг Актау шаҳри яқинида Боку-Грозний рейсини амалга ошираётган AZAL йўловчи самолёти ҳалокатга учраган эди. Самолёт бортидаги 67 кишидан 38 нафари ҳалок бўлган, 29 нафари тирик қолган. Дастлабки маълумотларга кўра, самолёт жисмоний ва техник ташқи аралашув натижасида қулаган.