Reuters: Airbus'нинг минглаб самолётлари ускуналарида носозлик мавжудлигини маълум қилди. Бу парвозлар узилишига ёки бекор бўлишига олиб келиши мумкин.
Авиация корпорацияси кучли қуёш нурланиши самолёт бошқаруви учун зарур бўлган маълумотларда бузилишларга сабаб бўлаётганини билдирди.
"Муаммо 30 октябр куни АҚШнинг Флорида штатида Jet Blue авиакомпаниясига тегишли А320 самолёти билан боғлиқ ҳодисадан кейин аниқланган. Самолёт парвоз вақтида баландликни йўқота бошлаган ва фавқулодда қўнишга мажбур бўлган. Ҳодиса оқибатида камида 15 киши жароҳат олган", дея ёзмоқда Reuters .
Маълумотларга кўра, муаммо энг оммабоп модел — А320 да кузатилган, шунингдек А318, А319 ва А321 самолётларига ҳам тааллуқли. Умумий ҳисобда деярли 6000 та самолётда камчилик бўлиши тахмин қилинмоқда, шундан 5100 тасида муаммони шунчаки дастурий таъминотни янгилаш орқали ҳал қилиш мумкин. Эски самолётларда эса ускуналарни алмаштириш талаб қилинади, бу эса уларни вақтинча фойдаланишни чиқаришни билдиради.
Буюк Британия авиация регулятори бу жараёнлар парвозлар жадвалида баъзи бузилишлар ва рейсларнинг бекор қилинишига олиб келишини маълум қилди.
Каспий денгизи иккига ажралиши мумкин
Тошкент вилояти ва Тошкент шаҳрида "ерфурушлар" қўлга тушди
KIA автосалони ходими мижозни калтаклади (видео)
