Агар Путин тинчлик келишувини рад этса, АҚШ Россияга қарши янги санкциялар жорий этади — Bloomberg

Агентлик манбаларига кўра, Қўшма Штатлар Россиянинг энергетика секторига қарши ҳам қаратилган янги санкциялар пакетини тайёрламоқда.

Бу чоралардан Москвага нисбатан босимни кучайтириш, шунингдек, агар Путин Украина бўйича таклиф этилаётган тинчлик келишувини рад этса, Кремлни келишувни қабул қилишга ундаш кўзланган.

"Вашингтон янги санкцияларни шу ҳафта тақдим этиши мумкин. АҚШ молия вазири Скотт Бессент бу режаларни шу ҳафта бошида Европа элчилари гуруҳи билан учрашувда муҳокама қилган. Шу билан бирга, сўнгги қарор Дональд Трампга томонидан қабул қилинади", дея ёзмоқда Bloomberg.