Африкада 2024 йилнинг 1 январидан 29 сентябрига қадар mpoх (маймун чечаги вирусининг янги номи) инфекцияси билан боғлиқ 35 мингдан ортиқ гумон қилинган ҳолатлар ва ушбу касалликдан 1000 га яқин ўлим ҳолатлари аниқланди, деб ёзади ТАСС ахборот агентлиги.
Жаҳон соғлиқни сақлаш ташкилоти маълумотларига кўра, йил бошидан буён Африкадан 35 525 гумон қилинган mpoх ҳолатлари қайд этилган, шу жумладан 996 киши вафот этган. 23 сентябрдан 29 сентябргача бўлган бир ҳафта ичида вирусни юқтирганлар сони 4098 нафарга, вафот этганлар сони эса 156 нафарга кўпайган.
Йил бошидан бери шифокорлар Конго Демократик Республикасида (КДР) 30 766 маймун чечаги билан касалланган ва 990 киши вафот этганини аниқлаган. Иккинчи ўринда Бурунди турибди, йил бошидан буён 1368 киши маймун чечаги вирусини юқтирганликда гумон қилинган. Бу мамлакатда ўлим ҳолатлари қайд этилмаган.
Mpoх вируси бутун дунё бўйлаб соғлиқни сақлаш соҳасидаги фавқулодда вазиятларда дастлаб 2022 йил июлдан 2023 йил 11 майгача амал қилган. Касаллик ҳолатлари камайгани сабабли у тўхтатилди, бироқ жорий йилнинг 14 август куни ЖССТ раҳбари Тедрос Адханом Гебрейесус Африкада касаллик авж олгани сабабли яна фавқулодда ҳолат эълон қилди.
Mpoх вирусли касаллик бўлиб, у асосан марказий ва ғарбий Африканинг чекка ҳудудларида тропик ўрмонлар яқинида учрайди. Ушбу касаллик ҳайвонлардан одамларга юқишининг биринчи ҳолати 1970 йилда Конго Демократик Республикасида қайд этилган.
Қозоғистон Россия, Хитой, Туркия ва Марказий Осиё давлатларини ортда қолдирди
Исроил танклари Сурияга кирди
Украина душман учун «Жаҳаннам» тайёрлади
