Афғонистондаги зилзила тугаганидан кейин омон қолганларни қидириш ишлари якунланди

Афғонистон ҳукумати 31 август куни содир бўлган кучли зилзиладан сўнг қидирув-қутқарув операциясини якунлади.

Бу ҳақда Кунар вилояти губернатори Қудратуллоҳ Абу Ҳамза Al Jazeera телеканалига маълум қилди.

"Зилзиладан кейин омон қолганларни қидириш ишлари якунланди. Ҳалок бўлганлар сони 2204 кишига етди, деярли 4000 киши жароҳат олди", — деди у.

Зилзила эпицентри жойлашган ҳудуд раҳбари ҳукумат жабрланганлар ва кўчирилганларни жойлаштириш учун чодирлар жиддий танқислигига дуч келаётганини таъкидлади.