Абу-Даби полиция бош бошқармаси меҳмонхоналардан бирининг кириш қисмида содир бўлган жанжал юзасидан расмий баёнот билан чиқди.
Маълум қилинишича, аввалдан мавжуд келишмовчиликлар сабаб юзага келган можарода иштирок этган 8 киши, шунингдек, воқеани тасвирга олган яна 2 нафар шахс қўлга олинган.
Ҳуқуқ-тартибот идоралари барча ушланганларга нисбатан қонун доирасида тегишли чоралар кўрилганини ва иш материаллари кейинги кўриб чиқиш учун прокуратурага юборилганини билдирди.
Полиция маълумотига кўра, воқеа ҳақида хабар келиб тушиши билан Абу-Даби полицияси тегишли бўлинмалари зудлик билан ҳаракатга киришган. Натижада жанжал иштирокчилари ва видеога олган шахслар аниқланиб, ушланган.
Абу-Даби полицияси жамоат хавфсизлигини таъминлаш ва тартибни сақлаш борасида қатъий чоралар кўришини таъкидлади.
Чақалоғини ҳожатхонага ташлаган аёлга 3 йиллик жазо тайинланди
Аргентина терма жамоасида Мессининг 10-рақами кимга насиб этиши мумкинлиги маълум бўлди
Португалия авиакомпанияси Роналду шарафига самолётдаги 7C ўриндиғидан воз кечди
