Эрон ташқи ишлар вазири Аббос Ароқчи Америка визасини олиш билан боғлиқ муаммолар сабаб БМТ Хавфсизлик кенгаши йиғилишида иштирок эта олмайди.
Бу ҳақда Эрон ТИВ расмий вакили ҳамда музокаралар делегацияси аъзоси Исмоил Бағоий Теҳронда ўтган ҳафталик матбуот анжуманида маълум қилди.
Унинг сўзларига кўра, АҚШ томонидан виза беришдаги муаммолар туфайли Ароқчининг Нью-Йоркда бўлиб ўтадиган йиғилишда қатнашиши имконсиз бўлиб қолган.