80 миллион? Йўқ! “Бавария” Диас учун музокараларда босим ўтказмоқда

"Бавария" Луис Диас учун 80 млн евродан ортиқ тўлашга тайёр эмас.

Sport Bild хабарига кўра, клуб "Ливерпуль"дан вингернинг эҳтимолий трансфер суммаси ва унинг маоши миқдорининг чегарасини белгилаган. Трансфер суммаси 75 млн евро атрофида бўлиши кутилмоқда.

Қайд этилишича, "Бавария" ва "Ливерпуль" турли вариантларни, жумладан, Диаснинг кейинги сотуви фоизини муҳокама қилмоқда. Шу билан бирга, мюнхенликлар колумбиялик футболчининг трансферини 7-10 кун ичида амалга оширишга умид қилмоқда.