2027 йилги Чемпионлар лигаси финали қаерда ўтказилиши маълум бўлди

2027 йилги Чемпионлар лигаси финали Испанияда бўлиб ўтади.

Испания Қироллик футбол федерацияси президенти Рафаэль Лусан ҳал қилувчи ўйин "Метрополитано"да ўтказилишига кафолат олганини маълум қилди. "Атлетико" стадиони 70 460 томошабинга мўлжалланган.

Сентябрь ойида УЕФА "Сан-Сиро"нинг ўйинни ташкил қилиш ҳуқуқини эҳтимолий реконструкция ишлари туфайли бекор қилгани маълум бўлди. "Метрополитано"дан ташқари, Бокудаги "Олимпия" стадиони ҳам Чемпионлар лигаси финалига даъвогар эди.