2027 йилгача Украинанинг ЕИга аъзо бўлишига эришиш “ниҳоятда қийин” бўлади

Бу ҳақда Reuters агентлиги исмини ошкор этмаган европалик дипломатга таяниб хабар бермоқда.

У, шунингдек, Евроиттифоқ раҳбарияти бу ташаббусни қўллаб-қувватлаши ҳозирча аниқ эмаслигини таъкидлади. Яна бир нечта европалик амалдорлар белгиланган муддатни “мутлақо имконсиз” деб атади.

Аввалроқ Financial Times Киев Вашингтонга юборган ва Брюссел томонидан қўллаб-қувватланган “тинчлик режаси”нинг янги таҳририда Украина 2027 йил 1 январгача Евроиттифоққа қабул қилиниши кераклиги ҳақидаги банд борлиги ҳақида хабар берган эди.