2024 йилдан Фарғона давлат университети ҳамда Новосибирск давлат университети ўртасида “Талабалар алмашинуви дастури”ни йўлга қўйилади.
Бу ҳақда АОКАда ўтказилган брифингда Ёшлар ишлари агентлиги директори ўринбосари Дилноза Каттахонова маълум қилди.
Қайд этилишича, Ёшлар масалалари бўйича делегациянинг Новосибирск вилоятига ташрифида Новосибирск ва Фарғона шаҳарлари “Ёшлар дўстлиги шаҳарлари” деб эълон қилинди.
Шунингдек, ўтказилган музокаралар натижасида “Крокмарт” компаниялар гуруҳи томонидан Қашқадарё вилоятида уй-рўзғор буюмларини ишлаб чиқариш учун инвестиция киритилиш, стол тенниси ва бильярд столларини ишлаб чиқаришга ихтисослашган “Фабрика старт” корхонасининг Наманган вилоятида филиалини очиш бўйича дастлабки келишувга эришилди.
Шунингдек, ташриф давомида ўзбекистонлик талаба-ёшлар ва меҳнат мигрантлари учун концерт дастурлари ташкил этилмоқда.
