Санкт-Петербургда 20 ёшли қиз BMW машинасида тўртта пиёда ва учта машинани уриб юборди.
Ҳодиса 21 май, шанба куни кечқурун Волхонское шоссесида содир бўлган.
Дастлабки маълумотларга кўра, қиз иккинчи даражали йўлдан ўнгга бурилиб кетаётиб, бошқарувни йўқотган ва йўл четига учиб кетган.
“Известия” нашрининг ёзишича, 71 ёшли нафақахўр олган тан жароҳатлари туфайли воқеа жойида вафот этган. Яна уч киши, жумладан, ўсмир касалхонага ётқизилган.
Қиз қўлга олинди ва унга нисбатан жиноий иш қўзғатилди.