Илон Маскнинг тасдиқланган 14 фарзандидан бирининг онаси Эшли Сент‑Клэр миллиардернинг жамиятга хавфли таъсири ҳақида огоҳлантирди. Венеция кинофестивалида Алекс Гибнининг "Маск" ҳужжатли фильмининг премьерасида у бизнесмен ўзининг ижтимоий тармоғи орқали жамиятда атайлаб бўлинишни қўзғатаётганини ва бу оқибатларни "потенциал ҳалокатли" деб атаганини даъво қилди.
Эшли Сент‑Клэрнинг сўзларига кўра, Маск уларнинг ёзишмаларида у билан фарзанд кўришни хоҳлаётганини айтиб ўтган, чунки унга "фуқаролар урушидан олдин кўплаб болалар керак эди". Уларнинг ўғли 2024 йилда туғилган, шундан кейин эр-хотин ажрашишган. Сент-Клэрнинг таъкидлашича, Маскнинг жамоаси унга ошкор қилмаслик тўғрисидаги битимни имзолаш эвазига бир марталик 40 миллион доллар ва ойига 100 000 доллар миқдорида нафақа таклиф қилган, аммо у рад этганидан кейин таклифни қайтариб олган.
Режиссор Алекс Гибни ўз навбатида Маскнинг цивилизация қулашига бўлган қизиқиши унинг Жанубий Африкадаги қийин болалигидан келиб чиққан деб тахмин қилди. Гибни уч йил давомида ишлаган тўрт соатлик фильмда Маскнинг стартап асосчисидан магнатгача бўлган йўли тасвирланган. Режиссёрнинг сўзларига кўра, Маскнинг ҳикояси "бойлиги ва кучи акция нархларини кўтариш асосида қурилган фирибгарнинг ҳикоясидир".
Дунё харитаси 500 йил ичида илк бор янгиланди
💴 Адлия вазирлиги Ўзбекистондаги пенсия ва нафақалар миқдорини эслатди
Японияда уйқу мусобақаси бўлиб ўтади, унда ғолиб катта пул мукофотига сазовор бўлади
