Нидерландлар Украинага 500 миллион евро миқдорида янги ҳарбий ёрдам пакети ва 1,2 миллиард евролик ноҳарбий ёрдам кўрсатади.
Бу ҳақда Украина президенти Владимир Зеленский Нидерландия Бош вазири Роб Йеттен билан учрашув якунлари бўйича ижтимоий тармоқларда маълум қилди.
Зеленскийнинг сўзларига кўра, ҳарбий ёрдам, жумладан, Украина ҳаво ҳужумидан мудофаа тизимини мустаҳкамлашга хизмат қилади. Ноҳарбий ёрдам доирасида ажратиладиган маблағлар эса энергетика соҳасини қўллаб-қувватлаш, инфратузилмани тиклаш, ижтимоий соҳа ва соғлиқни сақлаш тизимига йўналтирилади.
Томонлар, шунингдек, дипломатик жараён ва АҚШ, Россия ҳамда Украина ўртасида Абу-Дабида бўлиб ўтиши режалаштирилган уч томонлама учрашувга тайёргарлик масалаларини муҳокама қилган.
Зеленский бўлажак музокаралар давомида Европа ҳамкорларининг позициясини инобатга олиш муҳимлигини таъкидлаган.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
АҚШнинг Россия бўйича қарори Киевнинг умидларини пучга чиқарди
