Туркиядаги меҳмонхонада юз берган ёнғин қурбонлари сони 76 кишига етди

Бу ҳақда Туркия Ички ишлар вазири Али Ерликая маълум қилди. Аввалроқ 66 киши ҳалок бўлгани ҳақида хабар берилган эди.

Ёнғин 21 январ куни кечаси Карталкая тоғ-чанғи курортидаги 11 қаватли меҳмонхонада содир бўлган. Ҳодиса юз берган пайтда меҳмонхонада 200 дан ортиқ одам бўлган.

Туркия президенти Ражаб Тоййиб Эрдўғoн Карталкая тоғ-чанғи курортидаги меҳмонхонада юз берган ёнғин қурбонлари хотирасига Туркияда 22 январ мотам куни деб эълон қилди.