Ер юзида аҳолининг 1 фоизи 2020 йилдан буён яратилган 42 трлн долларлик янги бойликларнинг 26 трлн долларига эгалик қилди. Бу қолган ер юзидаги 99 фоиз инсоннинг бойлигидан 10 трлн долларга кўпдир. Миллиардерларнинг бойлиги кунига ўртача 2,7 млрд долларга ошган.
Мутахассисларнинг фикрича, бойларга 5 фоизгача солиқ солиш инсониятга йилига 1,7 трлн доллар фойда олиб келиши мумкин ҳамда бунинг натижасида 2 млрд одамни қашшоқликдан чиқариш мумкин.
